Мicrosoft се вклучи во трката кој прв ќе претстави паметен часовник. Претходно имаше најави дека Apple, Google и Samsung веќе работат на паметен уред со екран на допир кој ќе може да се носи на рака, и ќе биде додаток на паметните телефони кои веќе го заситија пазарот.
Microsoft веќе неколку месеци преговара со производители од Азија за потенцијален паметен часовник, велат директори на компанијата за Wall Street Journal. Ангажиран е и R&D тимот на Microsoft за развој на софтверот. Но, во моментов само се разгледува дали може да се направи паметниот часовник.
WSJ пишува дека инвеститорите и големите ИТ компании „се обложуваат“ на бум на пазарот на паметни часовници кои сега, благодарение на технологијата, можат да бидат помоќни за да користат апликации. Според аналитичарите Gartner, пазарот на мали гаџети може да достигне 10 милијарди долари до 2016-та година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
