Повикувајќи се на патенти кои ги поседува и кои се користат во мобилната платформа на Google, Microsoft побара од Samsung да плати 15 долари за секој направен Android телефон. Според Reuters, корејскиот Samsung ќе сака да ја намали цената на 10 долари во замена за посериозно партнерство со Microsoft за користење на Windows платформата за мобилни.
Неодамна се откри дека Microsoft прави повеќе пари од патентите за Android, отколку од својата Windows Phone платформа oд која прави пари продавајќи ја лиценцата.
Всушност, Microsoft прави пет пати повеќе пари од Android благодарение на договор со HTC за тајванската компанија да исплаќа 5 долари за секој продаден Android телефон.
Се проценува дека Samsung до сега има продадено 19 милиони паметни телефони од кои повеќето работат на Android, пример Galaxy II се продаде во 3 милиони парчиња. Според аналитичарите Samsung наскоро ќе ја надмине Nokia како број 1 произведувач на паметни телефони.
Nokia исто така има договор со Microsoft да ја користи нивната Windows Phone платформа.
