Новите Мatebook лаптопи од Huawei пристигаат и на македонскиот пазар. Huawei Matebook 13, Huawei Matebook D14 и D15 и Huawei Matebook X Pro ќе бидат достапни за купувачите од Македонија, велат претставници на Huawei.
Huawei Matebook X Pro е 13.9-инчен лаптоп компјутер кој тежи 1,33 kg. Хардверот на лаптопот е составен од 10-та генерација на процесорот Intel® Core ™ i7-10510U; 1TB SSD и NVIDIA® GeForce® MX250 видео картичка со 2 GB GDDR5; батеријата е 56Wh.
Matebook 13 како што може да се претпостави и од името е 13 инчен лапотоп. Доаѓа со AMD Ryzen™ 5 3500U процесор, графичка картичка Radeon™ Vega 8 и 512GB SSD. Екранот има сооднос 3:2 и резолуција од 2160 X 1440 пиксели. Батеријата од 42Wh што е доволно за 10 часа нормална работа помеѓу полнењата.
Huawei Matebook D14 и D15 се најголеми лаптопи во серијата. Доаѓаат со дисплеј од 15,6 инчи и резолуција (1920×1080). Хардверските спецификации се: AMD Ryzen™ 7 3700U; Radeon™ Vega 8/ Radeon™ Vega RX 10 графичка и 8 GB DDR меморија. Батерија е со капацитет од 42Wh.
Трите послаби модели доаѓаат со Windows 10 оперативен систем, а Huawei Matebook X Pro доаѓа со Windows 10 Pro оперативен систем, а останатите модели доаѓаат со Windows 10 Home верзија.
Новите Matebook модели на лаптоп од Huawei во Македонија доаѓаат некаде на крајот на август. Huawei е еден од најпопуларните производители на електронска опрема во Македонија. На почетокот на 2020 во Македонија беа регистрирани повеќе од 115 000 HUAWEI ID корисници.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
