МАСИТ 
Стопанска комора за информатички и комуникациски технологии (МАСИТ) со одлична идеја за тоа како да ги направи новогодишните празници поубави. Комората иницираше проект за обезбедување и донација на новогодишни пакетчиња за деца од ранливи категории.
Оваа година благодарение на поголемиот интерес, комората можеше да организира и поголем караван. Подароци добија децата од: државно училиште за деца со оштетен вид ,,Димитар Влахов” Скопје; Дом за деца без родители ,,11 Октомври” Скопје; и Заводот за згрижување, воспитување и образование на деца „Ранка Миловановиќ“.
,,Насмевките на дечињата од овој караван на донации се бескрајна инспирација да работиме и создаваме повеќе и ние како комора и компаните со кои работиме. Сметам дека постојат многу можности за подобрување на условите за развој на децата од загрозени категории и нашите залагања за 2018 година ќе ги насочиме во тој правец” – вели Елена Петрушевска, В.Д. директор на МАСИТ.
Според најавите комората и во иднина ќе продолжи со овие активности.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
