Последниот период изгледа дека сите за нешто ја обвинуваат најголемата друштвена мрежа. Доналд Трамп на Twitter го обвини Facebook дека отсекогаш бил против него.
Претходно либералите го обвинија Facebook дека му помага на г. Трамп. Секако, не може да заборавиме дека друштвената мрежа и Google, се најчесто обвинувани за растот на лажните вести.
Сепак и покрај ова, г. Закерберг тврди дека благодарение на друштвените мрежи најголем дел од гласачите успеале да го искажат своето мислење. Милијарди дискусии за различни прашања можеа да се прочитаат пред изборите, што овозможи да се разговара на различни теми, вели г. Закербер.
Друштвената мрежа, сепак сега има други и поголеми проблеми. Facebook заедно со Twitter и Google наскоро треба да се појават пред конгресот на САД и да одговараат на прашања за руска вмешаност во изборите.
Неодамна друштвената мрежа објави дека околу 100.000 долари од Русија се потрошени за реклами кои таргетираат Американци. Овие реклами и профили ќе бидат дел од податоците презентирани пред Конгресот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
