ManageWP на некој начин претставува универзална работна табла (Dashboard) за WordPress преку која можете да менаџирате со повеќе ваши WordPress веб-сајтови од едно место. Во ноември тие ја објавија iOS апликацијата, а еве неколку месеци подоцна пристигна и таа за Android паметните телефони.
Како што пишува oсновачот Владимир Преловац во својот блог пост, целата работа била завршена уште при напорниот развој за iOS, а овде требало да се пренесат сите тие работи. „Доколку не е расипано, не го поправај“ е логиката по која се воделе при развојот на Android апликацијата. Предноста на мобилните апликации секако е тоа дека ќе можете да пристапите од било кое место во било кое време, а тоа што го нудат е следното:
- Надградба на WordPress, теми и додатоци;
- Пристапување со еден клик до било која работна табла;
- Групно инсталирање на теми;
- Групно објавување на написи и коментари на повеќе веб-сајтови;
- Следење на достапноста (uptime) на веб-сајтовите;
- Следење на посетеноста на сите веб-сајтови од едно место.
ManageWP е српски стартап започнат од Владимир Преловац во 2010-та година и во моментот на целиот тој проект работат точно 20 развивачи од повеќе области.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Challenger 
