Македонскиот тим Еdge се враќа од Белград со две награди од регионалниот Nordeus Hackaton. Тимот за само 24 часа успеа да направи игра Hot Escape која беше изгласана како игра со најдобар гејмплеј, и како најдобра игра според публиката. Тимот е составен од Ангел Ќосески, Ненад Каевиќ, Никола Јордановски и Филип Николовски.
На хакатонот, организиран од српската компанија Nordeus, 11 тима од регионот се натпреваруваа во креирање игри во рок од 24 часа. Игрите мораа да бидат тематски, но темата не беше откриена до почетокот на натпреварувањето за да биде предизвикот поинтересен. Од тоа што може да се види – игрите се достапни за симнување – тимовите си ја завршија работата одлично, и направија навистина интересни игри. Пример, играта на Edge е за бегство од спална на швалерката, изработена со Unity енџин. Moжеби некои игри си имаат свои багови, но каква игра би направиле вие за само 24 часа?
Коментари
Нема коментари. Отвори форумска тема и започни ја дискусијата.
1 постар WordPress коментар