Македонскиот интернет застана во одбрана на уличниот продавач чичко Драги

Вчера во попладневните часови беше повикана полиција и шинтери на една индивидуа која е толку присутна во нашите животи, а сепак толку незабележлива, пишува загрижена читателка Наташа Јаневска-Милошеска во писмо до Brif.mk. Во тоа писмо таа го искажа својот револт поради малтретирањето на уличниот продавач Драги кој стои блиску до McDonalds во Скопје, и кој веќе неколку децении продава ситни дрангулии и весници.

„Чичко Драги нема драги мои ништо… сега има само 2-3 пакетчиња паломи, весници и животни кои му се живот. Живее во трошна куќа, без топлина, без семејство и без корка леб. Живее од 10 денари дневно и милостина која ќе му биде подадена. Живее со бездомни кучиња кои му се радост и живот. Животни кои се толку питоми и послушни и со кои ја дели секоја корка леб.“, вели г-ѓа. Јаневска-Милошеска.

Благодарение на друштвените медиуми и неколку македонски веб портали, приказната за чичко Драги и неговите кучиња стигна до куп корисници кои застанаа во негова одбрана и побараа да му се пружи помош со донација или со подигање на свеста за неговиот проблем со сиромаштијата, што сигурно ја дели и со многу други улични продавачи низ цела Македонија.

Твитер заедницо, влијателни и невлијателни, ајде да му помогнеме на чичко Драги!!!!!!!

— Iskra (@SreknoDete) January 17, 2013

накит по симболична цена се продава за помош на чичко Драги. Ајде да помогнеме! facebook.com/media/set/?set…

— Ивана (@iNolcheva) January 17, 2013

Бидејќи IT.com.mk (Glitch Agency) е блиску до местото каде продава чичко Драги, собравме пари и му ги однесовме. Тој само кратко ни одговори дека:

„Овие пари не се за мене (и ги тргна на страна). Јас само сакам да ги прехранам кучињата и ве молам помагајте и на друг начин ако можете, работите се неправедни и такви остануваат треба тоа да го смениме…“

Е значи многу се испотресов за Чичко Драги … шок левел МК реалност!!!

— Ina (@mnogufina) January 16, 2013

Доколку сакате да дониратe за Чичко Драги и за заштита на животните, здружението Anima Mundi има објавено уплатница на Facebook. Но, секако дека може да поминете кај чичко Драги и лично да му ги дадете парите и да се запознаете со човекот.

Околу апелот за чичко Драги. Не мора да се мачите уплатници, пошти итн.Човекот е буквално секој ден кај Мекдоналдс, поминете на минутка.

— Sonja (@tajefilmo) January 17, 2013