МАРнет наскоро преку својот нов национален кириличен домен ќе им овозможи на македонските граѓани да го користат интернетот на македонско кирилично писмо. Но, пред да започнеме да користиме кирилични домени ќе треба да го одбереме најсоодветниот домен.
МАРНет на својот нов сајт marnet.mk, бара од македонските корисниците да предложат кириличен суфикс за новиот македонски домен. Дали да биде .мк, .мак, .мкд, .македонија? Ако се следи примерот на Србија и на другите земји кои претходно го активираа кириличниот домен, гласањето за име на домен е всушност крајна пречка до негово користење.
Процесот на прибирање на предлози од македонската јавност ќе започне на 19.11.2012 година и ќе трае до 03.12.2012 година. МАРНет ќе ги разгледа сите предлози кои ќе се бираат според „низите кои ги задоволуваат пропишаните технички критериуми“. Еден од најважните фактори е низата на карактерите која го означува интернационализираниот врвен домен мора значајно да го претставува името на соодветната земја или територија. За низа која значајно го претставува името на земјата се смета онаа која е на официјалниот јазик на земјата и која го претставува целосното име, дел или некаква кратка форма на името на земјата.
По определувањето на низите кои ќе ги исполнуваат сите критериуми за да станат интернационализиран врвен кириличен домен, ќе бидат ставени на гласање на веб страната на МАРнет. По завршување на процесот на гласање, кој ќе трае 1 месец, а во кој ќе може да се вклучат сите заинтересирани граѓани, здруженија или правни субјекти, предложената низа која ќе освои најголем број на гласови ќе биде ставена во официјалното барање за започнување на процесот за добивање на врвниот кириличен домен за Република Македонија кое ќе биде поднесено до интернационалната организација за имиња на домени ICANN.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Како веб развивач а во исто време и графички дизајнер , ќе кажам дека вистина е дека фронтенд кодот е тапа , но многу поубаво изгледа.
Алооооо МАРНЕТ! Национална валута во Македонија е денар! А и многу го испофаливте дизајнот, па си реков ај баш да видам што е сменето до толку. Плукни залепи на стариот дизајн во <iframe></iframe> и додале еден хедер со најпатетично мени, а футерот е по по по по по. Само незнам кој е толку стипса па не може да си плати еден дизајнер и еден веб девелопер да ги нашминка малку. Работат катастрофално, поддршка 0, и милион други причини кои сите ги знаеме.
Леле пак го прочитав цитирам:" (доста добар редизајн споредено со претходниот сајт) ". Оф леле хахахахахахха
Се воведуваат кирилични домени, вие се фативте за дали било вистински редизајн, или не. Дајте малку конструктивна дискусија за кириличнио домен, ил ида се мрчи само тоа што мислиме дека го разбираме.
Важи бе, уште то остана нерешено еххе
Тие ако се толку по јазикот и по нашата чудесно заебана земја, тогаш оти цените му се во евра? Или полесно му е за пресметка..
А за суфиско нека биде: .РепубликаМакедонијаНаАлескандарМакедонски