Internet Explorer 10 гo надмина Firefox, но Chrome е сè уште недопирлив

Минатата недела од Microsoft го објавија својот прелистувач, Internet Explorer 10, за Windows 7 кој веќе се покажа како одлучен конкурент на својот претходник, Firefox и на Safari, но недоволно добар за да се спротистави на Chrome.

Во својата анализа Cross Browser Handbook ги направи стандардните тестови на SunSpider, Octane и HTML5, кои всушност ги тестираат JavaScript перформансите, JS додатоците, веб програмскиот код и поддршката за HTML5.

Од сите овие тестови, изненадувачки, Internet Explorer 10 се најде на второто место по најдобри перформанси, веднаш зад недопирливиот Google Chrome. Исто така, изненадувачки е и фактот дека Firefox воопшто не успеа да ги заврши сите тестирања.