Македонски анонимуси? Не нè смејте, такво нешто не постои

во Статии

Од никаде, вниманието на политичките препукувања за #бомбата го привлече видео на YouTube кое ветуваше своја бомба против претседателот на СДСМ, Зоран Заев. Видеото, кое се заканува дека ќе ја открие „правата вистина“, е потпишано од таканаречените „македонски Анонимуси“, алудирајќи на хактивистите Anonymous кои се светски познати по своите контроверзни сајбер напади.

Медиумите се закачија на мамката, ја пренесоа пораката, некои пак дури и цитираа „вистински анонимуси“ кои демантираа дека стојат зад видеото што има над 39.000 прегледи. Но, сето тоа е само фарса. Зошто?

Затоа што ако во Македонија постојат членови на Anonymous тогаш до сега ќе знаевме за нив. Почетоците на Anonymous се на контроверзниот форум 4chan уште во 2003-та година, станаа екстремно популарни од 2008-ма година со нападите против скиентолозите. Во последниве шест години нема ниту еден случај во Македонија во кој се вмешани Anonymous.

Да не заборавиме дека идеологијата на Anonymous е малку поблагодарна од тоа што се „продава“ со лажното видео. Anonymous се познати како хактивисти кои се борат за слободата на говор. Во Македонија слободата на говор е заменета со пропагандата, и ако постојат Anonymous тогаш тие до сега ќе стартуваа битки за да ја исправат неправдата. Барем така се прославија – со сајбер напади врз влади кои угнетуваат, со објавување на доверливи документи кои откриваат корупција, со битки за слободата на говор итн. Чудно е што одеднаш Anonymous во критичен момент за власта започнува битка против опозицијата, иако Anonymous, како сајбер активисти, по default се опозиција. Групата хакери се бори против злоупотребата на моќ, и до сега нема забележан случај каде тие ги бранат властите да не ја изгубат таа моќ.

Интересно YouTube стана главен канал за обелоденување на корупцијата во Maкедонија, и „откривање на вистината“, но тоа не треба да се прави во име на Anonymous. Ок, сите можат да бидат Anonymous. Идејата зад децентрилизираната група е дека „Aко верувате во Anonymous, и ако се нарекувате Anonymous, тогаш вие сте Anonymous“. И властите можат да бидат Anonymous ако веруваат во нив, и нивниот идеал. Па ако им се верува и на некои медиуми и претставниците на МВР може да бидат Anonymous. Може и Зоран Заев да биде Anonymous. Сите можат да бидат Anonymous. Но, барем да го направеа видеото доследно со хактивистите, да ја објавеа онаа позната порака дека „ние сме легија, ние не забораваме, ние нема да опростиме“. Во секој случај не ја заборавиле препознатливата маска на Гај Фокс, која е анти-капиталистички симбол за протест против политичарите. Сите политичари.

Добивај известувања
Извести ме за
guest
4 Коментари
Најнови
Најстари Со највеќе гласови
Inline Feedbacks
View all comments
Сител
Сител
7 years ago

Очигледно ПероНаков е Македонски анонимус чим толку "длабоко" ги разбира принципите кои ги застапува групата. Браво Перо :D

ПероНаков
ПероНаков
7 years ago

Позадината на овие „анонимуси“ не ја ставам во прашање, но целава статија е глумење smartass и е крајно мизерна. Да почнеме со ред:

„Македонски анонимуси не постојат“ – Првата дебилна изјава во текстов, т.е насловот на текстов, анонимус не се само хакери, туку и најразлични активисти. Низ разните активности во светот имаше над десетици активисти со потекло од Македонија, ако алудирате на етничката припадност, ако алудирате на тоа дали некој оперираше овде, тогаш пак тропате тешка глопост. Секој кој смета дека треба да почне операција против нешто анонимно и да бара поддршка за некаква акција може да се нарече анонимус, така почнуваа скоро сите не-корумпирани акции и во големото семејство на анонимус, тие што беа прифатени до грото продолжуваа другите пропаѓаа, така да, секој може да биде анонимус.

„Затоа што ако во Македонија постојат членови на Anonymous тогаш до сега ќе знаевме за нив. “ – Анонимус значи анонимен, незнам каде логиката ВИЕ да знаете нешто кое ако не излезе во јавност преку некој медиум (обично поради апсење) . Секако дека незнаете, минимум 10 македонци беа вклучени во поголемиот број напади, донации, а многу повеќе во поддршката и други легални активности.

Viktor Dano
7 years ago

Why so angry? Прво, текстот се однесува на „македонски анонимуси“. Второ, можеби има луѓе вклучени во акциите на Anonymous од Македонија, но во Македонија тие луѓе, група хакери или само ентузијасти, немаат никаква влијалние на локално ниво. Затоа нема потреба да се удараме по рамења за job well done.

Tрето, ние не знаеме за нив бидејќи немала никаква активност. Да имаше нешто како на светско ниво, пример хакирање на сајт или објавување на доверливи документи, тие ќе беа објавени од самите Аnonymous. Која е поентата на Anonymous ако не да ја привлечат публиката?

ПероНаков
ПероНаков
7 years ago

„. Anonymous се познати како хактивисти кои се борат за слободата на говор. “ – Многу повеќе од слобода на говор, цели кои и да ги напишеме би биле несфатливи за тој што треба да го причита ова. Кој бил дел од анонимус подолго време знае. Не се само хакери, да повторам.

„нема забележан случај каде тие ги бранат властите да не ја изгубат таа моќ.“ – Венецуела, Мексико, Еквадор, Бразил, Сирија се само мал дел.

Текстов не ми е насочен кон дебиливе што немаат никаква поврзаност во ИДЕЈАТА позади видеото, нити пак тие другите што демантираа и едните и другите крајно го злоупотребуваат името. Наменет е за вас драги IT.com.mk да не тропате глупости во иднина.