Царинската управа во скоро време ќе отпочне со користење на систем базиран на VR (виртуелна реалност) технологија за обука на цариниците. Системот за обука е обезбеден од Светска царинска организација (WCO) и Царинската служба на Кореја (CCF) и се состои од софтвер, слушалки, очила и контролен уред, а истиот ќе биде инсталиран во дирекцијата на Царинската управа, поконкретно во Регионалниот центар за обука кој е основан 2009-та година во соработка со Економскиот факултет и Царинската управа.
Очекувањата од системот е истиот да придонесе кон унапредување на вештините за анализа и проценка на ризици при контроли и прегледи на стоки и прекугранични минувања.
Програмата, развиена и првпат инсталирана во Регионалниот центар за обука (РТЦ) во Кореја, ги обучува царинските службеници за основните процедури за физичка проверка на товар. Со помош на VR сетот и контролер, цариниците влегуваат во виртуелен свет каде што учат како да откријат шверцувани предмети како што се лекови, фалсификувани стоки и експлозиви шверцувани во увезен товар. Како дел од обуката, цариниците практикуваат и прегледување документи за идентификување на лажни информации, учат за соодветната безбедносна опрема за вршење инспекции и добиваат увид во алатките и ресурсите што се користат за време на инспекциите, како што се посебни возилата, скенери, лупи и кучиња детектори.
До сега, софтверот е користен во повеќе земји низ светот вклучително и високофреквентни царински точки како аеродромот на Дубаи, а конкретно праксата од користењето во царинските управи на Белгија и Франција во март, 2022 дава прилично позитивен фидбек, каде што учесниците во програмата го опишуваат учењето преку VR како доста реално и интерактивно. Целта на Светската царинска организација е да го инсталира овој VR систем за обука во сите 28 регионални тренинг центри во светот, а проектот ќе го помогне и финансиски иноваторот на системот – Царинската управа на Јужна кореја.
Во Јужна кореја искористувањето на VR за обуки е во полн ек, каде што со помош на програми базирани на виртуелна реалност се обучуваат и полицијата и другите инспекциски тела во земјата – особено корисни за чувствителни теми како случаи на сексуална злоупотреба, педофилија и злоупотреба на деца и сл.
Тимот кој работи зад проектот исто така ја разгледува и можноста за развој на друга содржина со помош на проширена реалност (AR – augmented reality).
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
