Македонската репрезентација во Counter Strike Global Offensive ги доби противниците за претстојното Светското е-спорт првенство кое ќе се одржи во Каошиунг.
Македонија е во групата Б, со Израел, Данска и Намибија. Групата е релативно лесна, вели претставникот на Македонската е-спорт федерација во Facebook-пост. Најголем конкурент за првото место ќе биде репрезентацијата на Израел.
Претставник на Македонија е тимот на Vilay Esport, во состав: Борче „boro“ Ѓоргиевски, Кристијан „kilera“ Куковски, Димитар „ranniN“ Аврамоски, Иван „sao“ Цветаноски и Душан „duksi“ Кацески.
За да ја поминат групата и да продолжат понатаму на Светското првенство на репрезентативците ќе им бидат потребни 2 победи.
Натпреварите започнуваат оваа недела и секако ќе има пренос на Twitch.
