„Во просек, секој инсталиран додаток додава околу 10% од времето на стартување на Firefox.“, вели Џастин Скот, продукт менаџер за додатоци во Mozilla. „За некои корисници ова се милисекунди, за други можеби и пола секунда; се зависи од хардверот и софтверот.“
Затоа Mozilla ја претставува оваа листа на 100-те најспори додатоци која ќе биде надградувана секоја недела, а ќе се скенираат и најновите верзии на сите додатоци во галеријата за Firefox.
Советот за корисниците е да ги изгасат додатоците, или знаејќи го еко-системот со бројните додатоци за Firefox сигурно има и некоја алтернатива на најспорите додатоци. За развивачите на апликации, советот е да се следи овој водич.
(via Даниел Брзанов)
