Pokemon Go можеби направи мала презентација како треба да изгледа проширената реалност, но Lenovo Phab 2 треба да го надгради ова. Телефонот од Lenovo е првиот кој излегува со Google Project Tango технологија.
„Сметаме дека Project Tango има потенцијал да биде присутен на сите телефони во иднина. Како што денес не помислувате да купите телефон без GPS или камера, Tango ќе биде додаток кој ќе ви овозможи подобро да го разберете просторот околу вас.“, вели Џастин Кимби од Google.
Phab 2 Pro започна со испораката овој месец и ова е првиот телефон кај кој може да ги видиме можностите на Project Tango. Хардверот не е изненадување и најавен е од поодамна. Phab 2 Pro доаѓа со:
- Qualcomm Snapdragon 652
- 4GB RAM
- 64GB слободен простор
- 16MP камера
- 6.4-инчен екран
- 4.050 mAh батерија
- Tango-сензори
Кога е во прашање нова технологија сега многу поважно е нејзиното прифаќање и бројот на апликации кој ќе ги имаат корисниците. На почетокот телефонот ќе има 35 апликации достапни на сите корисници на телефонот, јави Google на својот блог.
Measure е апликација која на корисниците им овозможува да измерата буквално сѐ. Од должината на собата, до масите и вратите.
WayfairView, Lowe’s Vision, Homestyler Interior Design, и iStaging се апликации кои на коирсниците им овозможуваат да видат некој иден изглед на собата. Со телефонот корисникот може да поставува нов мебел и уреди во проширената реалност да ги врти и менува. Идејата е да им се помогне на корисниците полесно да одберат што најмногу им се допаѓа во домот.
Ништо од оваа не е забавно како игрите во проширената реалност:
- Domino World овозможува играње со домино по сите површини во домот
- Crayola Color Blaster, овозможува цртање и боење по ѕидовите, масите и сите површини во собите.
- Во Slingshot Island играчите треба да го победат змејот.
- Raise е симулатор на домашно милениче.
- Solar Simulator и Dinosaurs Among Us се апликации кои оживуваат светови кои се тешки да се доловат.
- Woorld и Towers for Tango овозможуваат креирање на нови светово
- А Hot Wheel’s Track Builder, Wild Wild Race и Car Racing. ќе им овозможат на корисниците да играат со виртуелни колички насекаде.
Цената на Phab 2 Pro е 500 долари. Доколку девелоперите и корисниците креираат и користат апликации за функционалноста, проширената реалност можеби во иднина навистина ќе биде присутна на сите уреди кои ќе излегуваат.
Image: Wild Wild Racer
Image: Raise
Image: Dinosaurs Among Us
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
