Facebook ја загуби битката со Android и iOS за мобилниот гејминг. Сега ќе се обиде да им конкурира на Steam и на платформите кои издават игри за PC. Gameroom e своевидна верзија на Steam, но за Facebook-игри.
Facebook Gameroom е малечка апликација со која секој корисник може да преземе игри од друштвената мрежа. Апликацијата е достапна за сите корисници на Windows 7 и понови верзии на оперативниот систем. Игрите се малечки и во најголем дел освен што го користат целиот екран, немаат големи разлики со оригиналите. Во прво време платформата ќе се ограничи на игри помали од 500MB.
Можеби најголемиот проблем кој би го имала платформата е недостаток на игри кој би можеле да ги натераат корисниците да се приклучат. Засега добар дел од игрите се достапни. Додека не дојдат понови наслови тешко е да се претпостави за кого Facebook точно ја наменила оваа платформа – активните гејмери или постарата генерација на Facebook корисници кои во последно време се доста активни на овој сајт во играњето игри.
Иако Facebook е понова платформа, тешко дека ќе конкурира на Steam, кога гејмерите се во прашање сите имаат подобри игри или барем пофокусирана публика. Ако идејата е Gameroom да биде платформа за Oculus Rift, тогаш можеби ќе биде поинтересна во иднина, засега подобро ќе поминете во останатите продавници.
GOG – Good Old Games
Платформа која иако има и понови игри и инди игри, сепак се оддели како место каде може да се пронајдат постари игри и игри без DRM-заштита. Сега GOG продава и понови игри, но сè уште останува локација на која помислуваме кога бараме некој легендарен наслов.
Steam
Нема што да се каже за Steam, платформата на Valve зборува самата за себе. Најверојатно тоа е првото место кое ни текнува кога бараме некоја игра за купување, или кога бараме да прегледаме статистика за игрите.
Origin и Uplay
Иако не премногу импресивни станува збор за платформите на двата најпопуларни издавачи EA Games (Origin) и Ubisoft (Uplay). Платформата е фокусирана на продавање видеоигри и DLC за истите од девелопери чии игри ги издаваат.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
