Неколку дена пред CES, Lenovo се одлучи да ги претстави своите очила за проширена реалност. Очилата не се изненадување, a ги најави Microsoft на крајот на октомври. Засега е нејасно дали HoloLens и очилата на трети партнери на Microsoft се исти, но ако судиме по цената, ова е тешко веројатно.
Она што е познатo од кусата презентација е дека Lenovo Windows Holographics ќе биде полесен од конкурентите. Уредот тежи 350 грама, a HTC Vive тежи 555 грама, пишува 3dvrcentral.
Резолуцијата на очилата е 1440х1440 и доаѓа со OLED дисплеј. Сепак пред да почнеме да се радуваме на овој уред, Lenovo VR сетот ќе мора да покаже како ќе функционира без надворешна камера. Дополнително не е баш добра вест што нема контролери, но сепак ќе биде компатибилен со повеќе уреди од трети производители.
Добра вест е што уредот ќе чини само дел од цената на Oculus Rift и HTC Vive. Според најавата проширената реалност на Lenovo ќе чини помеѓу 300 и 400 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
