Apple успеа да испорача 11,6 милиони часовници минатата година, но не успеа да ги надмине Fitbit и Xiaomi кои се поуспешни кога се паметните преносни уреди во прашање. Лани вкупно се испорачани 78 милиони преносни уреди, се вели во извештај на аналитичарите IDC.
Она што е можеби и поинтересно е дека три од првите пет уреди на листата на IDC се фитнес додатоци, а не паметни часовници. Во бројки првите пет имаат: Fitbit 21 милион продадени уреди, Xiaomi 12 милиони, Apple 11,6, Garmin 3,3 и Samsung 3,1. Сите останати имаат продадено 27 милиони уреди, или вкупно 78,1 милиони часовници и алки. Пазарот порасна за 171 отсто минатата година, а најголема промена во продажбата има паметната алка на Xiaomi со 951,8 отсто повеќе продадени уреди.
Присуството на фитнес алки на пазарот најверојатно е и одличен показател за потребите на корисниците, но тие покажуваат дека е тешко да се продаде идејата за паметен часовник. „Модата и дизајнот имаат подеднакво значење за зголемување на прифатеноста,“ вели Џитеп Убрани од IDC Mobile Trackers за Business Wire.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
