Конечно дојде 2001 година, а пред вас е огромна одлука, дали да креирате стартап кој креира хардвер или информатички стартап. Ова е почетокот на видеоиграта The Founder која играчот го става во улога на основач на еден стартап. Играта е дело на Францис Ценг кој ја финансираше играта со помош на KickStarter. Играчот започнува со идеја за стартап, коосновач и малку пари од инвеститорите и оттука треба да ја изгради својата „империја“.
На самиот почеток играчот треба да одбере: град во кој ќе ја основа компанијата и ко-основач. Изборот е повеќе од козметички и различниот град или ко-основач имаат различни бонуси кои се додаваат на стартапот. На пример, Сан Франциско има бонус на вештината на инженерите и дизајнерите.
Некои делови од играта се симболички претставени, но има доволно детали за да може играчите да ги сфатат проблемите на претприемачите. Можеби изборот на вработени е најдобар пример за ова. Може да вработувате на саеми, преку специјализирани компании или на почетокот пријатели на вработените. Сепак поради можноста за надградба на вработените, можеби работникот кој е најдобар на почеток нема да биде најдобар по неколку месеци.
Играта започнува со неколку технологии на како поминува времето играчот пронаоѓа нови иновации, развива технологија и креира производи. Играта трае или додека не ви здодее или додека не почнете да губите пари, па бордот на инвеститори ќе изгуби доверба.
Играта е бесплатна и достапна на следниот линк. Пред да започнете завршете си ги остантатите работи, The Founder е заразна и ќе ви одземе доста време. Ова најмногу важи за сите кои претходно биле „заразени“ од The Sims или некој сличен симулатор.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
