FiftyThree, креаторот на популарната апликација за цртање, Paper, објави своевидна друштвена мрежа за артисти. Mix е платформа за споделување на креативни дела, отворена за уметниците да постираат своите цртежи кои ќе бидат прецртани, променети и надградени од останатите членови на заедницата. Идејата е да го споделите делото т.е. цртежот со други и да видите како тие ќе го подобрат. Сепак не станува за апликација за соработка со која 10-15 луѓе можат истовремено да работат на една слика, туку секој може да си додаде свој дел на сликата: така првиот црта топка, вториот може да додаде нос, третиот мустаќи или во друг дел можеби некој на топката ќе ги додаде континентите, следниот ќе ги обои и слично.
Тоа што го прави Mix единствен не е што е едноставен за користење или што наликува на друштвена мрежа, покрај единствениот начин на соработка кој креираа своевидно „дрво на потекло“ на цртежот, тука е и едноставниот начин на споделување на се што е изработено се што е направено корисниците можат да го објават без кодирање и WordPress вели Fastcodesign.
