За поголема безбедност на патиштата во Косово, полицијата започна да патролира со дронови. Дроновите патролираат на патиштата кои се понепристапни, а овозможуваат и надзор на поголеми делови од патот.
Дронот лета пред полициската контрола и освен што го пренесува сигналот снима и видео од настаните на патот. Кога полицијата ќе забележи дека некој возач прави сообраќаен прекршок го застанува, му го покажува видеото од прекршокот на таблет и секако му ја дава казната.
Дали и колку примената на технологијата ќе помогне за поголема безбедност на патиштата и одговорност на возачите, останува да видиме. Секако целта е да помогне возачите да бидат повнимателни кога возат.
За споредба, полицијата во Албанија во градот Ѓирокастра со помош на дронови досега забележала 93 прекршоци на патиштата. За безбедноста на патиштата и прекршоците ќе може да донесеме заклучок подоцна, откако возачите ќе „научат“ дека полицијата можеби ги контролира и кога не можат да ја видат патролата и полициските возила.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
