Google овозможи веб апликациите како Gmail и Google Docs да можат да се користат дури и кога немате интернет конекција, односно можете да ги користите, пример да пишете мејлови, и кога ќе сте онлајн тогаш сите промени ќе бидат активни.
За жал на корисниците на Firefox, Opera и другите прелистувачи, офлајн поддршката за Gmail е овозможена преку Chrome екстензија Offline Google Mail. Есктензијата е во бета и е HTML5 апликација базирана на Gmail веб апликација за таблет компјутери која има онлајн и офлајн функција, објаснува Google. За разлика од претходните Gears, сега се користи локално складирање преку HTML5 опции. Откако ќе ја инсталирате, ќе можете да продолжите со пишување мејлови и откако ќе изгубите конекција со активирање на екстензијата со Allow offline mail.
Што се однесува до Google Calendar и Docs, исто треба да симнете Google Calendar и Google Docs екстензии за Chrome, преку кои се врши префрлување од онлајн во офлајн користење на веб апликациите.
Сите три апликации ќе дозволат да читате мејл, да пребарувате низ инбоксот, да прегледувате настани на календарот и состаноци, и да прегледувате документи, се тоа иако сте офлајн.
