Друштвената мрежа за професионални контакти LinkedIn продолжува да ја надградува својата платформа, најавувајќи нова опција која ќе им овозможи на компаниите да споделуваат статуси на LinkedIn профили. LinkedIn до сега им овозможуваше на корисниците да следат компании, а со новата опција ќе им овозможи на компаниите да допрат до оние кои ги следат. Оваа опција е исто така одлична можност корисниците подобро да се запознаат со компаниите кои ги следат.
Според официјалниот блог на LinkedIn, скоро половина од вкупниот број на корисници следат над два милиони компании. Новата опција има за цел да ја подобри комуникацијата на компаниите со своите клиенти и потенцијални вработени, така што сега ќе им овозможи да ги споделуваат најновите вести поврзани со компанијата, да промовираат нови работни позиции, или пак да претстават некој нов производ или услуги. Статусите можат да бидат објавувани од администраторите на профилите, и покрај ограничувањето од 500 карактери, статусите можат да вклучуваат слики и видеа.
Статусите објавени од страна на компаниите ќе им се појавуваат на сите оние корисници кои веќе ги следат. Корисниците ќе можат да коментираат, да ги „лајкнуваат“ или пак да ги споделуваат статусите на компаниите. Со новото надополнување, профилите на компаниите станаа слични со Facebook страните, овозможувајќи двострана комуникација.
(via This is Not Social Media Blog)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
