Мал британски интернет провајдер, Andrews and Arnold, реши од забава да тестира колкав е капацитетот на мокро јаже. Јажето кое го тестираа беше долго 2 метри, а достигнaа 3.5Mbps.
„Да бидам искрен ова беше само малку забава која сакаше да ја спроведе еден од техничарите. Имавме опрема со која можевме да тестираме во канцеларија, па си рековме, зошто да не?“, вели Адријан Кенард за BBC.
Провајдерот тестираше ADSL врска, а експериментот е добар показател и за издржливоста на ADSL.
Секако, нема никаква намера ниту идеја за користење на оваа технологија во комерцијални цели. Експериментот е направен со солена вода. Иако солената вода не добар спроводник (далеку полош од бакарот кој се користи,) сепак доволно добро ја спроведува електричната енергија за овој експеримент.
„Овде мокрото јаже се користи како брановод за пренос на електромагнетен бран. Бидејќи сигналот за пренос во овој случај е високо фреквентен, не е премногу важно кој е материјалот кој се користи“ објаснува професорот Џим Ал Калили.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
