Следниот месец, на 24 октомври, за првпат Good Game натпреварувањето ќе се одржи и во Македонија. Домаќин на настанот е Скопје, а локацијата од која ќе се гејма е INNO FEIT. Покрај гејминг настанот има и димензија, и на нетворкинг, и на тим билдинг, а има и своја хумана димензија, а тоа е обезбедување поддршка на иновативни стартапи и млади претприемачи преку специјален фонд кој ќе се обезбеди од собраните средства од котизации и спонзорства на настанот.
Настанот е наменет за сите домашни компаниите. Тимовите ќе бидат креирани од вработени во овие компании. Па компаниите ќе се натпреваруваат да видат која компанија има најдобри гејмери.
Good Game е регионален еСпорт натпревар под покровителство на Самсунг. Скопје им се приклучува на Загреб, Белград, Љубљана, Берлин и Суджоу како локации кои се дел од Good Game. Учесниците ќе се натпреваруваат во Counter Strike: Global Offensive, игра која иако е постара, сè уште е една од најпопуларните игри.
Настанот ќе биде отворен и за посетителите, кои покрај следење на официјалното натпреварување на тимовите, ќе можат да посетат и неколку специјализирани експо зони и да почувствуваат дел од иновативното и забавно искуство кое ќе им биде понудено.
Организатор на натпреварите е компанијата Good Game Global од Хрватска. Досега има организирано неколку изданија во градовите од соседството кои од тамошната публика беа опишани како е-Спорт настани на годината, велат организаторите на настанот. Локален партнер на настанот во Скопје е агенцијата MPG Solutions.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
