Собранието на Република Македонија оваа недела го изгласа законот со кој дел од студентите ќе добијат ваучери кои ќе можат да ги искористат за купување на таблет комјутери со тастатура. Ваучерот е со вредност од 8.000 денари и ќе биде достапен за социјално загрозените студенти од фамилии чии приходи се помали од 32.741 денари. За оваа намена од буџетот на Р.Македонија ќе се издвојат 1,5 милиони евра.
Претходните слични проекти, во 2008-ма, 2009, и 2012-та година, на студентите им беа доделени вредносни ваучери со кои можеа да одберат: десктоп, лаптоп или таблет компјутер. Но, тогаш средствата кои им беа на располагање на студентите беа повисоки, и со нив можеше да се купи навистина вреден хардвер. Овојпат идејата, на страна од политичкиот мотив да се смири Студентскиот пленум кој прогласи независни зони на факултетите, можеби е на студентите да им се понуди таблет компјутерите за поврзување на интернет, иако изгледа речиси неверојатно дека за студентите од техничките факултети ќе бидат поденакво корисни како и лаптоп или десктоп компјутер.
Дали таблет компјутер ќе им заврши работа?
Таблет компјутерите овозможуваат пристап до имејл, друштвени мрежи, алатки за комуницикација, Google Docs и Office, но и други апликации за колаборативно уредување на документи. Можат да се префрлуваат фајлови, да складираат, можат да се прегледаат видео и аудио записи, посебно видео од онлајн курсевите кои стануваат се популарни како курсевите на Cоursera, иако за нив е потребно познавање на добар англиски јазик.
Но, дали таблет компјутерите можат да им завршат работа на студентите. Дали македонското високо образование е прилагодливо за Android, iOS или Windows Phone уреди? Всушност, дали факултетите можат да го понудат најосновното – бесплатен WiFi пристап бидејќи поевтините таблети немаат можност за картички за мобилен интернет? Дискутиравме на таа тема на подкастот #ИТН.
Koj таблет компјутер може да купите за 8.000 денари?
Со оглед на тоа дека студентите од различните факултети имаат различни потреби, нема да им бидат потребни исти уреди. Иако апликациите се повеќе или помалку достапни на сите уреди, овој пат одлучувачки секако ќе биде хардверот и оперативниот систем. Еве дел од таблетите кои се достапни за цени околу 8.000 денари, колку што вреди ваучерот.
Цените на дел од таблетите се малку повисоки, но ова е пред се поради тоа што ваучерите можат да се искористат до 25 јуни, па очекуваме дека дел од таблетите ќе бидат поевтини подоцна. Цената не остава премногу простор за креативност, но сакаве да предложиме повеќе уреди. Совет може да побарате и на форумот на IT.com.mk, бидејќи форумџиите се едни од најстраствените хардвер ентузијасти во светот. Напомена: Уредите можеби се достапни во повеќе продавници, и можеби за различни цени.
- Kindle Paperwhite GEN II ~ 7.780,00 ден. Kindle секако не е најпродуктивниот таблет кој е достапен, но доколку таблет компјутер ви е потребен единствено за читање и ограничено пребарување по интернет и проверка на пошта, тешко дека има подобар уред на пазарот за таа цена. Таблетот од Amazon доаѓа со 6″ Paperwhite дисплеј со Carta e-paper технологоја и вградена светилка, екранот е со 212 ppi, оптимизирана технологија за фонт, тежина од 206 грама и батерија која трае со недели помеѓу полнењата. Може да биде корисен за студентите од правен факултет, економски, филолошки и други.
- Ainol Novo W8 ~ 8.780 ден. Првиот Windows таблет доаѓа од релативно непознатиот производител Ainol. Процесорот е четири-јадрениот Intel 3735D и GEN7 4EU графички процесор. Уредот има 32 GB слободен простор и можност за проширување со уште 32GB преку microSD картичка. Поради ова може да се користи како складиште, и е добар за едитирање документи поради апликациите на Microsoft, но Windows нема којзнае колкав избор на апликации. Доаѓа со 2GB DDR3 RAM, 2МР предна и 5 МР задна камера.
- Acer Iconia Tab W1-810 ~ 8.280 ден. Iconia Tab e уште еден Windows уред кој може да се користи за колаборација на документи, и селективен избор на апликации, или за видео. Доаѓа со Intel Atom Quad-core Z3735G процесор на 1.83 GHz и 2MB cache меморија; Intel HD графички процесор; 1GB DDR3 RAM; 32GB eMMC слободен простор; 8″ 1280 x 800 WXGA LED дисплеј; 2МР предна и 2МР задна камера; стерео звучници.
- Lenovo IdeaTab – 6.980 ден. Ова е еден од ретките поевтини уреди кои доаѓаат со Android 4.4. Станува збор за 8.0″ таблет со IPS LCD дисплеј со резолуција 1280 x 800. Уредот доаѓа со: Chipset Mediatek MT8121 четири-јадрен Cortex-A7 на 1.3GHz; 1GB RAM меморија; 16GB слободен простор; Wi-Fi 802.11 b/g/n; Bluetooth v4.0; microUSB v2.0. Примарна камера од 5 MP и помошна од 2 MP; батеријата е со капацитет 4200 mAh. Android нуди огромен избор на апликации, што е дефинитивно предност.
- Dell Venue 7 ~ 7.580 ден. Ова е помал 7-инчен, Android 4.4 таблет компјутер со IPS WXGA дисплеј со резолуција 1.280х800. Уредот доаѓа со Intel Atom Z3460 процесор до 1.6GHz и 1 MB кеш меморија; 1GB DDR3 RAM; 16GB eMMC слободен простор; Intel HD графичи процесор;WiFi 802.11b/g/n и Bluetooth 4.0; стандардно доаѓа со две камери примарна 5МР и помошна 1 МР. Слободниот простор може да се надгради со microSD картичка, што значи дека таблетот може да складира куп содржини. Google Docs и другите Google алатки можат да им бидат корисни на студентите.
- ASUS MemoPad ME172V – 7.457ден. Седум инчниот MemoPad од ASUS доаѓа со Android 4.1; 800MHz ARM Cortex-A9 процесор; 16GB слободен простор; 1GB DDR3 RAM меморија, ARM Mali-400 3D графички процесор; WiFi 802.11 b/g/n, Bluetooth, предна камера 1.0MР; батерија со капацитет 4270 mAh со можност за работа до 8 часа; Micro USB x 1; Micro SD слот. Дисплејот е 7-инчен со резолуција 1024X600 (WSVGA).
Листата не завршува тука бидејќи секодневно се претставуваат нови таблет компјутер, и цената постојано се менува. Прашање е кој ќе ви се допадне најмногу и кој ќе ви одговара на потребите. Доколку имате некој пердлог оставете го во коментарите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Brainster 
https://www.google.com/search?q=samsung+galaxy+ta…
Ima nekoi tableti sto se dobri za da kupite. Dobro za tie sto nemat stvarno i tie trebat da imate nesto za vo skolo.
1. Барање за доделување на вредносен бон-ваучер; kade mozheme da gi najdeme baranjata za ovie tableti !?
Ќе треба да се обратите во Министерството за информатика.
Se super. Samo kako moze da se aplicira za ova tabletive? KOja e procedurata za dobivanje na vaucer?
Здраво, ќе треба да се обратите во Министерството за информатика.