Порталот iFixit, познат по тоа што ги презентира уредите со расклопување и откривање на составните делови, објави листа во која ги рангира таблет компјутерите според според едноставноста за расклопување. Со оглед на тоа колку треба да се збиени елементите еден до друг, „едноставно расклопување“ во случајов е релативен поим, но листата покажува колку е веројатна и колку би чинела поправката на презентираните таблет компјутери.
Критерумите се следни: едноставност за отворање на таблет компјутерот, промена на батеријата, промена на дисплејот, елементи кои се користат за држење на уредот (лепак, штрафови, жглебови и слично), бројот на штрафови и нивен стандард, но и алатот кој е потребен за отворање на таблет комјутерите.
Наједноставни за расклопување се Dell XPS 10, Amazon Kindle Fire и Deal Streak. Најсолжени пак очекувано се таблетите на Apple и новиот таблет од Microsoft, според редослед од најтешкиот до најлесниот: Microsoft Surface Pro, Apple iPad Mini и Apple iPad 4.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
