Кој симнува пиратско порно во Ватикан?

„Не кради“ е еден од божјите заповеди до кој би требало да се придржува секој христијанин, нели? Ова правило посебно треба да важи во Ватикан, но, според истражувањето на TorrentFreak и ScanEye, пиратеријата е доста популарна кај свештениците.

Со оглед на тоа дека е мала држава (Ватикан има околу 800 жители) и нема некоја голема активност на интернет, сепак една IP адреса се издвојувала и била поактивна за разлика од другите. Преку таа адреса се симнувале телевизиски шоуа како Touch, The Neighbours, Chicago Fire и Lightfields. Пиратираната музика и холивудските блокбастер не се нешто омилени во Ватикан, но сепак се чини дека свештениците, или некој кој работи за нив, е посебно заинтересиран за преземање на порно содржина.