Pingram е веб сајт кој е комбинација од двата нови популарни друштвени сервиси, Instagram и Pinterest. За тие што не се запознаени со сервисите, Instagram е популарна iOS апликација за споделување фотографии со пријателите, додека Pinterest е нова друштвена мрежа каде се одбележуваат (пинуваат) разни интересни нешта.
Pingram, сервис креиран од италијанскиот хакер Генаро Вариале, ги соединува овие два сервиси така што овозможува да се прегледуваат слики од Instagram, но во Pinterest интерфејс. Сервисот овозможува лесно закачување на фотографиите на Pinterest, но си има свои мани како немање можност за оставање коментари и има лимитирани опции за „пинување“.
Иако сајтот е доста интересен и нуди едноставна можност за поврзување на двете мрежи, а со тоа и поголема промоција на фотографиите, сепак ова може да не им се допадне на Instagram корисниците, вели The Next Web.
Според блогот, со Pinterest, и Pingram, постои проблем на прекршување на авторски права со пинување на туѓи фотографии. Неодамна Flickr побара да се исклучи споделување на фотографии од нивниот сервис на Pinterest, и можно е истото да се случи и со Instagram.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
