Кина ги надмина САД и сега е новиот лидер според инвестирањето во стартапи кои работат на вештачка интелигенција.
На Кина отпаѓаат неверојатни 48% од инвестициите во стартапи кои работат со вештачка интелигенција. За споредба, САД на второто место имаат 38%, пренесе Verge. На овие две држави отпаѓаат 86% од инвестициите во вештачка интелигенција во стартапи.
Овој податок сепак е само еден дел од сликата. Остатокот во огромна мера е на страна на САД. Во САД е поголем бројот на стартапи кои работат на вештачка интелигенција, а и вкупните инвестиции во овој сектор се поголеми од Кина.
Иако дел од предностите на Кина се евидентни, сепак се чини дека во овој случај имаме ситуација во која статистиката баш и не ги прикажува точните податоци.
Сепак истражувањето покажува дека најинтересна технологија за развој во Кина е препознавањето на ликови. Со оглед на тоа дека во Кина живеат 1,4 милијарди жители, се чини дека природно e оваа технологија најпрво да се развие тука. Втор сектор по финансирањето е производството и дизајн на чипови за вештачка интелигенција.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
