Колку пати ви се случило да се логирате во еден имејл и потоа да мора да се одјавите за да проверите друг имејл. И обратно…
Порано или подоцна ваквата пракса станува исклучително здодевна и потребата да останете логирани во повеќе акаунти на еден ист сајт ја решавате со бројни, отворени прозорци преку различни прелистувачи. Но, што доколку има подобар начин?
SessionBox е корисна екстензија која става крај на овој проблем така што додава панел во вашиот Chrome прелистувач и ви дозволува да имате повеќе активни сесии на еден веб сајт. Па така, лесно и со еден клик може да се префрлувате од вашиот работен на личен имејл како и на бројни акаунти од кои било други сајтови. На ваков начин целосно ја исфрлувате потребата од пријавување и одјавување.
Секој пат кога ќе го отворите Chrome и кога ќе се логирате, дали преку компјутер, телефон или таблет, екстензијата SessionBox ги синхронизира вашите сесии преку сите направи.
Ваквото нешто знае да биде корисно и доколку одредена направа се користи од повеќе членови од семејството кои си веруваат едни на други, но ги мрази постојано да поминуваат низ процесите за најавување. Сесиите, патем, се заштитени преку енкрипција, а покрај тоа што можете да ги групирате, можете и да ги прикажувате во соодветна боја и име.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
