Бегалската криза и маките на бегалците се без сомневање најголемата вест овие последни месеци, со голем број на држави кои оваа недела постојано ги преиспитуваат своите ставови. Сепак и покрај односот на властите, тешко е да се предвиди однесувањето и мислењето на граѓаните, можеби еден од подобрите показатели за нивната загриженост е промената во навиките во пребарувањето на интернет.
Анализата на пребарувањата на Google покажува дека: Македонците почесто од сите останати, пребаруваат за теми кои се поврзани со мигрантската криза, јави Forbes повикувајќи се на Google Trends. Зад Македонија на листата се Португалија, Литванија, Ирска и Велика Британија. Според податоците од пребарувањето, значителен пораст на пребарувањето за термините „бегалци“ и „мигранти“ се забележува од почетокот на септември (3-ти септември).
Интересна е и разлика во прашањата за кои луѓето бараат одговори од Google, а се движат од: „Што е миграција?“ и „Зошто бегаат бегалците?“, во Русија; „Зошто има толку бегалци во Франција?“ и „Зошто бегаат Сиријците?“ во Франција; до „Како да им помогнеме на имигрантите во Берлин?“ и „Каде се бегалците во Дизелдорф?“ во Германија. Најчесто пребарувани „теми“ поврзана со бегалците е: „migrant crisis“, „refugee“ и „migrants“.
Со оглед на тоа дека во Европа пребарувачот на Google се користи во 97 отсто од случаите, без сомневање, она што го презентираат се релевантни податоци.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Асоцијација за е-трговија 
