Ќе се менува Законот за следење на комуникациите

Измените на Законот за следење на комуникациите, кои ќе се разгледуваат на јавна расправа во Собранието на Македонија на 7 јуни 2012-та година, предвидуваат бришење или промена на клучни членови во кои се одредуваат условите под кои смее да се прислушува, временските рокови и обврските за документирање и отчет, пишува фондацијата Метаморфозис.

„Целта на јавната расправа е да се обезбеди поширока дебата по работната верзија на Предлогот на закон за изменување и дополнување на Законот за следење на комуникациите, а во насока на донесување на квалитетен закон и квалитетна подготовка за прифаќање на обврските за членство на Република Македонија во Европската унија.“, стои во соопштението од Собрание.

Тоа што може да се издвои од докумунтот со измениве е дека се бришат следниве делови од Законот за следење на електронска комуникација:

• Член 2: „Никој не смее без наредба на надлежен суд да врши следење на комуникациите, освен ако му се наменети или постои согласност на лицето или лицата кои се вклучени во комуникацијата.“
• Во Член 5 се брише делот што налага да не може некој да се прислушкува вечно, или цел живот: „Следење на комуникациите може да трае само одредено време, што е потребно за собирање на податоци заради остварување на целите на следењето, определени со овој закон.“
• Член 8 се брише. Со него се ограничува дека прислушкување како мерка може да се примени само при истрага за одредени, тешки кривични дела (изнуда, уцена, перење пари, тероризам, организиран криминал, поткуп).
• Член 13 се брише. Tој се однесува на официјалната документација поврзана со почеток на прислушкувањето.
• Член 19 се брише. Toj се однесува на поднесување официјален извештај и запис од прислушкувањето.
• Член 21 се брише. Toj се однесува на обезбедување пристап до снимените материјали по наредба на суд.