Верувам дека целата стартап сцена е возбудена што ќе се одржи четвртиот Startup Weekend Skopje на 8 и 10-ти мај. Овој настан е вистинско место за да видиме колку всушност македонската стартап сцена е иновативна и креативна. Тоа што ќе биде поважно на настанот е да се чујат идеите и размислувањата на претприемачите, велат организаторите и гости на 22-рата епизода на #ИТН.
Зборуваме со Наташа Петкова од Fox Media House, Ева Пиперевска и Теди Пејоски од G6 Solutions, кои се дел од тимот волунтери што го организираат Startup Weekend, и луѓе кои запознаени со македонската стартап сцена. Tие можеби се најдобрите гости кои се обидоа да ми објаснат зошто да учествувам на еден ваков настан, и зошто не треба да верувам дека стартапите се нешто што можат да го направат програмерите. Според нив, не мора да имаш продукт, или да бидеш технички подготвен. Тоа што е важно е идејата и потенцијалот за бизнис.
#ИТН e подкаст за информатика, технологија и наука, направен како соработка помеѓу IT.com.mk и Радио МОФ; го водат Виктор Дано и Викторија Николовска, а продуцент еДимитар Були Вандовски. Новата епизода се емитува секој четврток од 19:00 на Радио МОФ. Подкастите може да се преслушаат во било кое време.
ITN Podcast E22 by Radio Mof on Mixcloud
