После казната од 900.000 евра Apple сега доби уште едно предупредување од италијанската Комисија за заштита на потрушувачите. Овојпат, како што известува Reuters, на Apple во Италија му се заканува еднамесечна забрана за работа и нова парична казна од околу 300.000 евра поради непочитување на законот за двегодишна гаранција и бесплатна техничка поддршка за корисниците на нивните производи.
И покрај првата казна, Apple не ги задоволи условите поставени од комисијата и сѐ уште нуди гаранција за само една година која може да биде продолжена на две, но само доколку потрошувачот плати некоја одредена сума.
Според регулаторното тело, Apple наместо да ги известува своите купувачи за правото на двегодишно бесплатно сервисирање, тие ги терат да плаќаат дополнителна сума за дополнителни услуги, што значи дека гаранцијата од Apple која се плаќа е подобра од таа која корисниците ја имаат според законот. Италијанските власти се единственита ЕУ земја која се спротиставува на ова пракса на Apple.
Apple се жалеше на првата пресуда и казна, но го изгуби судскиот спор.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
