Македонската е-спорт заедница конечно е пораздвижена. Главна причина за ова се момците од Dota2MK кои ја најавија втората сезона на македонската Dota 2 лига.
Новата сезона има промени, па наместо досегашните две лиги сега ќе има само една лига со 18-тима кои ќе се натпреваруваат во бодови освоени со победи и нерешени резултати. По завршувањето најдобрите 4-тима ќе играат во финалето во LEVEL Gaming Center во Струмица. Овојпат и наградниот фонд ќе биде поголем, па победниците ќе поделат 60.000 денари. Учесниците кои нема да се пласираат во финалето, ќе имаат можност да се натпреваруваат во македонскиот Dota 2 куп.
Пријавувањето за втората сезона е веќе започнато и ќе трае до 25 ноември. Распоредот на натпреварите ќе биде објавен на 1 декември по што ќе следи и почетокот на лигата. Заинтересираните можат да се пријават на Facebook страницата на Dota 2 Македонија.
