Google и Facebook можеби се сериозна конкуренција меѓу себе, борејќи се за вашето внимание, но кога е во прашање пребарувањето, компаниите пронајдоа заеднички јазик. Google доби дозвола од најголемата друштвена мрежа да започне со мапирање на податоците од мобилната апликација, јави Wall Street Journal. Ова значи дека при мобилно пребарување, Google ќе може да ги индексира и да ги прикажува податоците кои се достапни на Facebook апликацијата, како имиња од јавните профили, јавни Facebook групи, страници и настани. За останатите пребарувања корисниците ќе мораат да го користат сервисот на Facebook. Резултатите од пребарувањето ќе водат директно кон страните на Facebook.
„Кога луѓето пребаруваат содржини на мобилен интернет, сите кои користат Facebook for Android ќе можат да притиснат на линк и автоматски ќе бидат префрлени во апликацијата,“ објаснува портпаролот на Facebook. Индексирањето на Facebook најверојатно е само прв чекор на Google за индексирање на содржините и на останатите апликации. Социјалната мрежа без сомневање има повеќе и поинтересни содржини, а и не сите апликации имаат што да споделат, но оние кои имаат најверојатно ќе бидат индексирани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
