И оваа година, втора по ред, ќе се одржи Alt Ctrl Game Jam, настан посветен на македонските љубители и развивачи на видеоигри. Настанот се фокусира на независни игри, но и на креирање нови и иновативни контролери, или нови начини на играње игри.
Alt Ctrl Game Jam е закажан за 11 до 21 септември во просториите на NewMan’s Business Accelerator. И оваа година е организиран од истите ентузијасти: Кристијан Трајковски, Дајана Димовска и Џон Полсон, а NewMan’s Business Accelerator ќе го обезбедат просторот за локалното собирање во Скопје. Настанот е интернационален и најверојатно и оваа година ќе се одржува на повеќе локации во светот.
„Од мината година сме супер задоволни, направени беа 23 игри, уникатни контролери и игри. Дел од победниците се преставија и презентираа на Alt Ctrl GDC – најголема конференција за алтернативни контроли и ги изложија игрите во Game Science центарот во Берлин“, вели Кристијан Трајковски од гејминг студиото Dark One.
Пријавувањето за настанот е веќе започната, а бројот на учесниците е ограничен, па доколку сте заинтересирани подобро да се пријавите порано.
Минатата година на настанот во СКопје беа креирани две супер забавни игри и уникатни конторолери за нив, се надеваме дека и оваа години учесниците ќе бидат креативни, повеќе ќе се забавуваат и ќе креираат повеќе игри. Еве дел од проектите што беа направени минатата година:
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
