Првата средба на сите Google ентузијасти од Македонија е закажана за 25-ти јануари, во Клубот на новинари, Скопје, од 18 до 21 часот. На отворениот настан, наречен Google Developers Group, се поканети сите ентузијасти и професионалци кои сакаат да дискутираат за бројните теми поврзани со технологијата на Google.
Листата на говорници се уште не е конечна, но знаеме дека ќе гостуваат Тал Футеран од американскиот StartApp, Inc., кој ќе зборува за профитирање од Android апликации; Дан Ромески од германскиот Augmented Citizen, кој ќе зборува за проширената реалност и интелигентните системи; Мартин Анчевски и Нино Карас од локалниот CodeWell, кои ќе покажат како да се направи едноставна апликација; и Игор Трајковски од Time.mk, кој ќе го сподели своето работно искуство во Google.
New speaker confirmed- Tal Futeran from StartApp (New York).Topic: Making more money from free apps through the use of search monetization.
— GDG Skopje (@GDG_Skopje) January 3, 2013
Настанот е од отворен карактер, а сите заинтересирани треба да го пријават своето присуство на [email protected] најдоцна до 22 јануари 2013. Секако, за сите најнови информации може да ги следите и друштвените профили на групата – Facebook, Тwitter, Meetup и Google Group.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
