Code@FEIT е летен курс наменет првенствено за идни и сегашни студенти на Факултетот за електротехника и информациски технологии (ФЕИТ) без претходно програмерско искуство, но ќе биде отворен за други заинтересирани без разлика на старост, претходни познавања и професионална определба, секако со одредено ограничување на бројот на слободни места.
Во осум работни денови со три часа активности, слушателите на курсот ќе имаат можност да се запознаат со основите на програмирањето и дизајнирањето на алгоритми. Два часа секој ден ќе бидат искористени за предавања, а еден час ќе биде посветен на гостин, од факултетот или од компанија од релевантна област, кој ќе сподели свои искуства од својата досегашна работа и кариера. Целта на Code@FEIT е да покаже нов пристап кон програмирањето и да ги мотивира сите ИТ ентузијасти да учат да програмираат и да креираат софтверски апликации.
Курсот ќе се одвива во просториите на Факултетот за електротехника и инфоррмациски технологии (ФЕИТ) во Скопје, секој работен ден од 10 до 13 часот почнувајќи од 13-ти Август 2012 до 22-ри Август 2012 година.
За подетални информации за Code@FEIT посетете ја веб страната на ФЕИТ.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
