Ова лето 22 студенти кои имаат желба да научат повеќе за бизнис стартапите ќе можат да се пријават за учество на курсот организиран од БЕСТ Скопје и Факултетот за информатички науки и компјутерско инженерство (ФИНКИ) кој ќе започне на 4-ти јули и ќе трае до 12-ти јули.
Студентите ќе посетат неколку македонси компании и ќе слушаат предавања за започнување на сопствен бизнис, е-трговија, користење на мобилни и друштвени технологии, онлајн маркетинг и веб дизајн.
По завршувањето на предавањата, учесниците ќе имаат испит на знаењето стекнато за време на курсот. Откако студентите ќе го положат испитот ќе се здобијат со диплома за успешно посетен курс, потпишана од Факултетот за информатички науки и компјутерско инженерство.
Краен рок за пријавување е 30.06.2012, а може да се пријавите за курсот на овој линк.
