За десетина дена е најавена нова средба и изложба на македонската инстаграм заедница. Изложбата повторно ќе биде организирана во кафе-галеријата Concept 37, а ќе се одржи на 5 декември. Изложбата наречена „Инстаграмџии“ освен можност за презентација на фотографиите, има и хуман карактер. Како и претходните вакви изложби и овојпат средствата од продажбата на фотографиите ќе бидат донирани за малата Јана Грковска и ќе биде одговорено на апелот за помош на една самохрана мајка.
