Google го најави Hash Code 2016 за 11 февруари. Станува збор за тимски натпревар кој се организира на територија на Европа, Африка и Блискиот Исток. Пријавувањето е отворено од поодамна, а завршува на 9 февруари. Она што најверојатно ќе ве интересира е дека за оваа цел во Seavus Education and Development Center ќе има организиран хаб.
Настанот повторно е поделен во два дела од кој првиот почнува на 11 февруари од 18:30 часот. Во овој дел онлајн тимовите можат да учествуваат од каде сакаат. Вториот дел, односно финалето, ќе се одржи на 19 март во Париз и ќе трае 12 часа, а во него ќе бидат поканети најдобрите тимови.
Тимовите имаат потполна слобода во сопственото креирање, како и во програмскиот јазик кој ќе го користат, иако бројот на членови мора да биде помеѓу 2 и 4. Тимот може, но не мора да биде на иста локација, но поголемиот број на учесници на исто место, секако е позабавно решение.
