Администрацијата на Барак Обама најави десет годишен план вреден 4 милијарди долари во првата година, со единствена цел – поддршка на технологијата за автономни возила и преполнување на улиците со паметни автомобили. Првата цел на планот е развој на рамка за автономна технологија во следните шест месеци, јави Inhabitat. Потоа ќе следи зголемување на конкуренцијата, а за оваа цел во буџетот за 2017 ќе бидат одделени 4 милијарди долари. Веста ја соопшти секретарот за транспорт, Ентони Фокс, на саемот за автомобили во Детроит.
Me. At @NAIASDetroit. Announcing NEW @POTUS proposal: $4B to get #automatedvehicles moving! https://t.co/P9TauPufC3 pic.twitter.com/jnB8o7OHp0
— Anthony Foxx (@SecretaryFoxx) January 14, 2016
Она што ќе го овозможи овој план е намалување на опасностите, но и униформност на технологијата. Google соопшти дека возачите на нивите автономни автомобили морале да ја преземат контролата врз возилото 13 пати во период од 15 месеци за да избегнат незгода. Возачот ја презел контролата повеќе од само овие 13 пати, но во другите 69, немало опасности. Ова се случило додека автомобилите изминале 682.895 километри, што може да се каже дека е голема бројка на потенцијални сообраќајни незгоди бидејќи се работи во лабораториска средина. Повеќе автономни автомобили во рацете на обични корисници во моментов може да предизвикаат поголем број сообраќајки.
Најголем дел од незгодите во кои учествуваат автомобилите на Google се предизвикани од неавтономни возила или други возачи. Доколку не се создаде рамка за сите модели на автономните возила со која тие ќе можат меѓусебно да комуницираат, токаш не само возачите и пешаците, туку и останатите автономни возила би можеле да бидат потенцијална опасност. Со воведување на јасни правила опасностите во иднина ќе бидат намалени. Освен Google извештаи доставија и Tesla, Nissan, Mercedes-Benz, Delphi, Volkswagen и Bosch, јави BBC.
