Од 24-ти до 26-ти ноември се одржува првиот фестивал за анимации во Македонија, Анимакс Скопје фест.
„Појавувањето на Анимакс Скопје Фест ја има двојната цел, да ја заживее и врати на старата слава македонската анимација и да ги стимулира новите млади автори кои ќе донесуваат нови светски награди, а тие да ги одмеруваат креативните потенцијали и на нашиот фестивал, а Анимакс ќе значи, покрај нивно учество во компетитивната програма, воедно и запознавање на нашата публика со дострелите во светската анимација, за сите заедно да му ја вратиме некогаш високата меѓународна позиција на Скопје како центар со развиена школа на анимираниот филм.“, се вели во соопштението (.pdf).
Настанот започнува на 24.11 во 17:00 часот во Кинотека на Македонија каде ќе се претстави жирито и ќе се направи ретроспектива на 40-те години македонска анимација. Потоа ќе следи прикажување на официјалната селекција на анимации од 20:00 часот.
На 25.11 програмата продолжува со најдоброто од LIAF, средба со Aн МАри Флеминг и продолжување на прикажувањата на официјалната селекција.
На 26.11, сабота, ќе биде посветено внимание на детската програма и работилница за анимација за деца, а ќе продолжи подцна со скандинавска анимација и прогласување на победниците.
Анимакс Скопје Фест е во организација на продуцентската куќа Аурипигмент, во соработка со здружението на граѓани Креативен центар Тинтири-Минтири од Скопје со поддршка од Министерството за култура на Република Македонија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
