Активниот систем за авторско право не успева во својата задача, вели потпретседателката на Европската Комисија, Нели Крус.
Таа на својот блог пишува дека пиратеријата е се уште проблем, исто како што е и проблем што системот за авторски права не успева да ги награди артистите – музичарите, сликарите и писателите – кои се уште живеат под 1.000 евра месечни приходи, што е под минимум платата во Европа.
Г-ѓа. Крус, која претходно беше евро-комесарка за ИКТ, повикува на нов систем кој ќе дозволи нови идеи да се развиваат, од дистрибуција до користење и продукција.
„Бизнис моделите треба и мора да бидат креативни како што е и уметноста“, вели таа. „Во моментов не сме доволно флексибилни. Многу често одговорот на иновативните идеи – до идеи како Netflix или iTunes – е едноставно да бидеш парализиран со страв и неактивност. Spotify само што дојде кај нас во Белгија – цели три години откако стартуваше насекаде низ Европа! Не треба толку многу време за идејата да се рашири“.
Според неа, во моментот треба да се разгледа законодавните процеси и потенцијалните идеи за нов систем за препознавање и наградување на артистите, но тие идеи не смеат да бидат убиени со „ригидно, пре-дигиталн законодавство“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
