ИТ настан: Доделени Блогираме.мк и Twitter наградите

Најпрво, за тие што не се запознаени, Blogirame.mk доделуваше награди за македонските блогери и твитерџии. Номинациите, дел од категориите и победниците ги одредуваше самата заедница, а синоќа во МКЦ во добар дел на присуство на истата, беа доделени и златните медаљи за победниците.

За најсекси блогер/ка беше избрана Ангела со нејзиниот блог Angela Dissected, најреволуционерен блог (социјално и политички ангажиран) – Здраворазумен хејтеризам, без сомнение наградата за најблог за мода отиде во рацете на Skopje Casual, кои исто така, ја добија и наградата за најдобар фото блог.

требало да се пофалам twitter.com/RumShtangla/st…

— Ангела (@RumShtangla) November 23, 2012

Награда за најсмешен блог, втора медаља за Здраворазумен хејтеризам. Најдобар блог во домен на културни работи (литература и сл.) е изгласан Букбокс на Off.net.mk, најдобар пост на годината – Животот на еден електраш, најдобар спортски блог – NBA MacedoniaМакедонија, и по третпат, Здраворазумен хејтеризам – најдобар блог за 2012. Последната награда, наградата за најдобар ИТ и/или Интернет маркетинг блог ја доби This is Not a Social Media Blog.

Twitter награди

• Најдобар твитерџија/ка кој почнал да твита во 2012 – @RumShtangla.
• Најдобар твит во 2012 – „Слободно може да се заебавате на моја сметка, блокирана ми е!“ [линк].
• Твитерџија кој оваа година најмногу напреднал од стартот на неговата твитерџиска кариера – @BatmanSaysT.
• Твитерџија/ка кој е најкорисен и кој е вистинска вредност што го имаме во твитосферата – @sead93.
• Најкомпанија/организација на Twitter – @offnetmk.
• Најтаг за 2012 – #ЗдравоБоби.
• Најдобар аватар – @Plavaaa.
• Најдобар твитерџија/ка во #третасмена – @irenaxxx.
• Најдобра твитерџиКА – @RumShtangla.
• Најдуховит твитерџија/ка – @Sulimanovic.
• Најактивен твитерџија од дијаспората –@SkDeeyasporah.
• Највлијателен твитерџија/ка – @VlatkoVasilj.

Честитки до сите победници и до прекрасната организација. Добар начин да се крене блогерството на некое ниво погоре, а твитерџиите да продолжат да го прават тоа што најдобро знаат во 140 карактери.

Подолу е видео од наградите. Продолженијата ќе ги најдете тука. Сите резултати од гласањето ќе ги најдете тука.

[youtube]pNfk7RiIuOM[/youtube]