{mosimage} Европскиот парламент конечно ги одобри Телеком реформите кои секоја ЕУ земја-членка ќе треба да ги примени до 2011 година.
„Ова ќе отвори нови можности за телеком операторите, за преку-граничните комуникациски сервиси како и за европските приватни и бизнис корисници. Ова ќе даде нова сила на европската дигитална економија.“ вели Вивиен Рединг, евро-комесарот за ИКТ.
Во реформите се споменува и дека интернетот е основно право што значи дека контроверзното исклучување од интернет на пиратите по 3 опомени не може да помине без судење.
Меѓу реформите се право на корисникот да смени мобилен провајдер за 1 ден, а да го задржи стариот број. Во просек поминува 8 дена за да се смени провајдер. Се воведуваат реформи и за подобро информирање на корисниците за услугите, заштита на податоците на корисникот, воведување на еден број за итна помош 112, поголема независност на националните регулатори и ќе се воведе ново европско тело која ќе ја регулира конкурентноста и отвореноста на пазарот.
Повеќе за реформите можете да прочитате на europa.eu.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
