Тимот на Истражувачка репортерска лабораторија – Македонија (ИРЛ) во последната епизода на Редакција ја истражува безбедноста на веб-страниците на македонските државни институции. Дел од истрагата е и интервјуто со Владислав Бидиков и Боро Јакимовски професори на ФИНКИ, кои се задолжени за администрирање и одржување на повеќе државни веб-страници.
Истражувањето ја опфаќа ноќта на изборите и нападот врз серверите на Државната изборна комисија и Time.mk, а подоцна ја истражуваат и генералната безбедност на веб страниците. За жал истрагата покажа дека безбедноста на сајтовите не е на доволно ниво и на скалата за безбедност од 1 до 10 (повисока оценка е полоша) во просек сајтовите се оценети со 7,5.
Резултатите од истражувањето се поразителни и покажуваат дека најголем дел се исклучителни подложни на сајбер-напад.
„Секое дете со малку познавање на компјутери и неколку упатства од YouTube може да онеспособи цела веб-страна“, вели Шахак Шалев, независен експерт за сајбер-безбедност ангажиран од ИРЛ.
Тенко. Никакви податоци. Само мислење на „репортерите истражувачи“ (елементарно правило е репортер дека не смее да има мислење туку само известува за факти).
Инаку во што е добра состојбата во Македонија? Фото+Видео тип на кликбејт новинарство. Многу послаба емисија од квадратурите…