Intel престави нова RealSense 3Д камера чии димензии овозможуваат да биде сместена во куќиште непоголемо од 6-инчен телефон. Сензорот со кој е опремена камерата овозможува фокусирање на подвижните делови, пример рацете или главата и потоа промена на фокусот откако е завршено со фотографирањето, јави BBC. Камерата Intel ја изработува со неименувана кинеска компанија, а за сега е во фаза на прототип.
„Уредот е наменет да ги покаже различните апликации, модели и форми во кој може да се интегрира RealSense технологијата со што ќе поттикне иновација“, вели Intel. Станува збор за технологија која е слична на Мicrosoft Kinect, иако значително помала, со што би се овозможило инсталирање на камерата во телефони како нова функционалност.
Intel не е единствената компанија која работи на оваа технологија, Dell со Venue 8, веќе има таблет кој ја има оваа функционалност, во 2-инчи поголемо пакување. Конкурентна технологија развиваат Pelican Imaging и SoftKinetic, првиот е стартап за 3Д-селфи фотографии, а вториот сака да ја интегрира технологијата во лаптоп компјутери.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
